Asociación Xuve...'s profileAsociación Xuvenil Xirad...PhotosBlogListsMore  |  Tools Help |
|
October 02 4ª Ruada. A.X. Xiradela (18 de Outubro - 23:00h)Como todos estes anos o vindeiro 18 de Outubro a partir das 23:00h celebramos a 4ª Ruada ó carón do centro cívico de Arteixo. Esperamos a vosa visita. September 22 Actividades Curso 08-09Informámosche que, neste mes de Setembro, abrimos o prazo de matrícula para renovar a condición de socio e para inscribirse nas actividades do vindeiro curso 2008/2009.
DATAS E HORARIOS DE MATRÍCULA
A matrícula realizarase no local da Asociación (Polígono de Sabón nº5, Arteixo) 981.641.125 ACTIVIDADE IDADES HORARIO BAILE TRADICIONAL Dende 3 anos Variable segundo a idade PANDEIRETA Dende 5 anos Variable segundo a idade TAMBORIL Dende 8 anos Xoves 20:00/21:00h FLAUTA/GAITA Dende 8 anos Variable segundo a idade GUITARRA Dende 9 anos Sábado: Inic: 11:30/12:30; Perfcc: 12:30/13:30h BAILE MODERNO NENOS De 6 a 12 anos Venres 19:00/20:00 DEBUXO E PINTURA De 7 a 12 anos Luns 18:30/20:00 DANZA DO VENTRE Dende 12 anos Luns 19:30/21:00 DANZA DO VENTRE NENOS De 7 a 12 anos Luns 18:30/19:30 ACORDEÓN Venres 20:00/21:30 April 29 "Chiculateiras" acada un novo premio para XiradelaO pasado domingo 27 de abril celebrouse no Teatro Colón de A Coruña o XIX Concurso de Música Tradicional organizado pola Asociación Xuvenil Xacarandaina. Neste certame, tomaron parte dous grupos da escola de pandeireta de Xiradela: "Zapicada" e "Chiculateiras", ambos encadrados na categoría B, para rapaces e rapazas de entre 10 e 13 anos. Ámbalas dúas formacións ofreceron unha grande imaxe, acadando as "Chiculateiras" o 2º premio da citada categoría.
¡¡¡¡Norabóa rapazas!!!! April 15 Resultados do IX Concurso de Música Tradicional Velaquí os resultados do IX Concurso de Música Tradicional que vimos de celebrar os dous últimos domingos no Centro Cívico Cultural de Arteixo.
CUARTETOS DE GAITAS:
1º PREMIO: Retrouso 2º PREMIO: Os Intrépidos Da Ulla
3º PREMIO: Comarea
GAITEIROS SOLISTAS: 1º PREMIO: Ricardo Manuel Mouriño Freire 2º PREMIO: Adriana Rivas Seijo 3º PREMIO: Roberto Aller Alcalde PANDERETEIRAS/OS:
CATEGORÍA A: (ata os 10 anos) 1º PREMIO: "Meniñas" do grupo de pandereteiras Tarambainas, Lavadores-Vigo
2º PREMIO: "Pedravixía" da A.C. Adro de Baio
3º PREMIO: "Regalía" da AA.VV A Coteleira de Cores-Nemeño
CATEGORÍA B: (de 11 a 13 anos) 1º PREMIO: "Morazón" da A.M.D.T. Queiroa de Mondego-Sada
2º PREMIO: Grupo "C" da Escola de Muiñeira Cantigas e Agarimos
3º PREMIO: "Maiola" da Asociación Cultural Virxen da Saleta de Silván
CATEGORÍA C: (de 14 a 17 anos) 1º PREMIO: "Taín" da A.C. Adro de Baio
2º PREMIO: "Névedas" da Agrupación Cultural Arume de Verdillo
3º PREMIO: "Grialia"
CATEGORÍA D: (de 18 anos en diante) 1º PREMIO: Pandereteiras "Os Muíños de Oliveira"
2º PREMIO: "Velaí Ven" da A.C Donaire
3º PREMIO: "Trebellos" da A.X. Regueifa
February 18 IX Concurso de Música Tradicional da Asociación Xuvenil XiradelaOs vindeiros días 6 e 13 de abril terá lugar a novena edición do Concurso de Música Tradicional organizado pola Asociación Xuvenil Xiradela. As bases que rexirán ó mesmo son as seguintes: 1. É un concurso no que poderán participar grupos de asociacións xuvenís, culturais e recreativas, folclóricas, de veciños, etc..., que o desexen. 2. Constará de tres modalidades: grupos de pandereteiras, cuartetos de gaitas (deberán estar formados por: dúas gaitas, tambor e bombo) e gaiteiros solistas (poderán levar, ou non, un acompañamento de percusión). 3. Na modalidade de pandeireta haberá catro categorías, que dependerá da idade da maioría dos compoñentes:
4. Os grupos participantes poderán ser: femininos, masculinos ou mixtos, sendo obrigatorio o uso do traxe tradicional. 5. Os participantes poderán concursar en tódalas modalidades, sen embargo non poderán concorrer en máis dun grupo en cada unha delas. Na modalidade de cuartetos de gaita, sí poderán participar en máis dun grupo, sempre e cando non sexa tocando o mesmo instrumento. 6. Os premios serán os seguintes: PANDERETEIRAS: CATEGORÍA A e B:
CATEGORÍA C e D:
CUARTETOS DE GAITAS:
7. Cada grupo terá un tempo límite de 5 minutos, para interpretar a/ás peza/s coas que tomará parte no certame. O grupo que sobrepase dito tempo quedará descalificado. 8. No momento da calificación o xurado terá en conta:
10. A folla de inscripción deberá chegar debidamente cumprimentada ó local da Asociación (Polígono de Sabón, 5 15142 Arteixo), antes do 14 de Marzo de 2008. Poderanse enviar tamén os seguintes correos electrónicos:
11. O xurado será nomeado pola A.X. Xiradela, e os seus fallos e acordos serán inapelables. 12. A participación no concurso implica a total aceptación destas bases. Non se admitirá ningún cambio fóra do prazo de inscripción. Asimesmo, a organización resérvase o dereito de esixir o D.N.I. ou o libro de familia de calquer participante, que semelle dúbida da idade, ben a requerimento de calquera agrupación, membro do Xurado ou que estime oportuna a Comisión Organizadora. En caso de negarse ou non presentalo quedará descalificado. 13. Unha vez rematada a actuación de tódolos participantes e a avaliación do Xurado darase a coñecer os nomes dos gañadores, facéndose entrega dos premios acadados. O día 6 de Abril de 2008 daranse a coñecer os premios dos Cuartetos de Gaitas e Gaiteiros Solistas e o día 13 de Abril de 2008 os de Pandereteiras. (Categoría A e B pola mañá e categoría C e D pola tarde). 14. Nesta convocatoria non participarán os grupos da A.X. Xiradela. 15. Calquera dúbida que queirades consultar será atendida pola A.X. Xiradela nos teléfonos:
Se queredes descargar as bases do concurso e maila folla de inscrición no mesmo, aquí tedes os enlaces correspondentes: No caso da folla de inscrición trátase dun documento Word no que xa podedes cubrir os vosos datos directamente para enviarnolos á dirección de correo electrónico correspondente á modalidade na que vos queirades inscribir. Nota: para os que non esteades familiarizados coas descargas dende Rapidshare non vos asustedes porque resulta bastante doado. Non tedes máis que premer en calquera dos enlaces anteriores e seredes conducidos a páxina de Rapidshare. O único que tedes que facer entón é premer no botón que pon "Free". Entón, pediravos que introduzades un código. Unha vez introducido, premedes o botón "Download xxxx" (xxxx será o nome do servidor do que descarguedes o documento pero é irrelevante), e despois duns segundos, iniciarase a descarga. December 16 Xiradela segue colleitando 'boas novas'Os periódicos "La Voz de Galicia" e "La Opinión de A Coruña" recollen, na súa edición de hoxe, a entrega do XVI Premio IAR de Folclore Galego a Xiradela, que tivo lugar onte á noite durante a celebración do Festival Folclórico que o Grupo de Bailes Populares IAR ofreciu no Teatro Rosalía de A Coruña para conmemorar o seu 25º aniversario. Se queredes ver os artigos aquí vos deixamos unhas ligazóns: Por outra banda, queremos agradecer a felicitación que con motivo deste premio nos fixo chegar a Escola de Baile e Música Tradicional Rebulir a través do seu blog (se queredes velo premede aquí ou consultade a sección Webs de interese). Grazas compañeiros!!!! December 15 Xiradela acada o XVI Premio IAR de Folclore Galego Como xa anunciara na súa edición do luns 3 de decembro o periódico "El Ideal Gallego" (para ver o artigo pulsade aquí), esta tarde farásenos entrega do XVI Premio IAR de Folclore Galego en recoñecemento a nosa traxectoria ó longo destes 25 anos. Será no Teatro Rosalía de A Coruña, no marco do Festival Folclórico que organiza a tal efecto o Grupo de Bailes Populares IAR e que, nesta ocasión, serve tamén como celebración do seu 25º Aniversario. December 02 Máis mencións á Gala "Xiradela 25 anos" Mirade o que acabamos de atopar navegando pola rede de redes: trátase dunha nova mención ó espectáculo do pasado 17 de novembro, así como un par de fotos nas que se pode ver ós bailadores e bailadoras da 2ª e 4ª xeración interpretando Pandeiretada de Caión e Jota, muiñeira e valse de Padreiro de Castriz respectivamente. Aquí vos deixamos o enlace e mailas fotos.  Bailadores e bailadoras da 2ª xeración  Bailadores e bailadoras da 4ª xeración Grazas á xente de Frouma. November 29 Dúas mencións na prensa comarcal ós premios de Repenicoque Aquí vos quedan as ligazóns ós artigos publicados por La Voz de Galicia o luns e o martes na súa edición de Carballo, nos que se fai mención ós premios acadados polo grupo Repenicoque no concurso celebrado o pasado domingo. Acompañámolos da foto que aparece no xornal do martes ó pé do citado artigo, na que se poden ver algunhas das mozas e mozos de Xiradela que participaron nese certame.  November 26 Parabéns Repenicoque!!Despois dunhas semanas protagonizadas polos actos de celebración do noso 25º Aniversario , a Escola de Baile volve a estar de actualidade: neste caso pola actuación do grupo "Repenicoque" que acadou o 2º premio na categoría C e o premio ó mellor vestiario no III Concurso de Baile Tradicional organizado pola Asociación Cultural Santa María de Torás que tivo lugar este pasado domingo no Pavillón Deportivo do IES Agra de Leborís de A Laracha. ¡¡¡¡¡Norabóa compañeiros e compañeiras!!!!! November 18 A gala "Xiradela 25 anos" na prensaOs xornais La Opinión de A Coruña e El Ideal Gallego fanse eco nas súas respectivas edicións de hoxe da celebración da gala "Xiradela 25 anos" onte no Teatro Colón de A Coruña. Aquí vos deixamos un enlace á noticia que aparece na edición dixital de La Opinión de A Coruña, así como a foto que acompaña á mesma.  Bailadores da 4ª xeración interpretando Jota da Fonsagrada November 13 Últimas entradas para a Gala "Xiradela 25 anos"Ante a grande demanda que houbo nos ultimos días temos que anunciar que quedan moi pouquiñas invitacións dispoñibles para a Gala "Xiradela 25 anos" que se celebrará o vindeiro sábado. Así que se estades interesados en acompañarnos nesta festa apresurádevos a recoller a vosa invitación no local de Xiradela. O horario de recollida das mesmas é de 20:00 a 22:00 h. e tedes de prazo ata o venres. Para máis información chamade o teléfono 626654619. November 05 Gala "Xiradela 25 Anos"O vindeiro día 17 de novembro ás 21:00 terá lugar no Teatro Colón de A Coruña a celebración da Gala "Xiradela 25 anos". Este espectáculo, que forma parte do programa de actos organizados para celebrar as nosas vodas de prata, pretende ser un percorrido polos nosos primeiros 25 anos de historia, unha viaxe pola memoria na que rescataremos recordos, vivencias, imaxes, músicas e bailes que marcaron o paso das diversas xeracións de mozos e mozas que formaron e forman parte das agrupacións máis senlleiras da Asociación: o Grupo de Gaiteiros, as Pandereteiras e o Grupo de Danza. Se nos queredes acompañar nesta nosa festa de aniversario, sabede que a entrada é de balde, por invitación, e que, para conseguilas, non tedes máis que solicitalas no número de teléfono 626654619 e/ou achegarvos ata o local de Xiradela para recollelas, a partir do día 9 de novembro para os socios, e dende o día 12 para o público en xeral, en horarios de 20:00 a 22:00 h. durante a semana, e sábados de 12:00 a 14:00 h. Vémonos alí. Non faltedes!!!! September 11 A Exposición en "La Voz de Galicia"O xornal "La Voz de Galicia" faise eco, na súa edición de hoxe, da inauguración da exposición "Xiradela 25 anos" que tivo lugar onte á tarde na Sala de Exposicións do Centro Cívico e Cultural de Arteixo. Se queredes ver a noticia, pinchade aquí. Velaquí tedes a foto que acompaña ó citado artículo:  Parte do equipo responsable da montaxe da Exposición un intre antes de inaugurala. September 02 Nerea, estrela no YouTubeNavegando pola Rede pódense atopar centos de cousas curiosas. Desta vez tivemos a sorte de atopar o seguinte vídeo: Aquí está Nerea na súa actuación con Carlos Núñez no "Pequeno Gran Show" da TVG. Para os que non a coñezades, dirémosvos que Nerea é unha rapaza de 9 anos, socia de Xiradela e unha das alumnas das nosas Escolas de Música e Baile, que, como afirma o presentador, vai camiño de converterse nunha grande da música. Como podedes comprobar, talento non lle falta. Polo pronto, co seu vídeo, que recibiu case 5000 visitas nos seis meses que leva colgado, estase a converter nunha estrela do YouTube. August 31 Exposición "Xiradela 25 anos"O vindeiro día 10 de setembro inaugurarase na sala de exposicións do Centro Cívico Cultural de Arteixo a exposición "Xiradela 25 anos". Encadrada dentro dos actos conmemorativos do noso 25º Aniversario, esta exposición, que permanecerá aberta ata o día 29 de setembro, pretende ser un percorrido polos 25 anos de historia da Asociación a través de fotos, recordos, vídeos,... Non perdades a oportunidade de achegarvos un pouquiño máis a nosa historia August 01 Currículo do Grupo de DanzaO grupo de danzas da Asociación Xuvenil Xiradela de Arteixo nace no seno da citada asociación no ano 1982. O grupo está formado por trinta compoñentes dividido en grupo de gaiteiros, pandereteiras e bailadores/as. A súa directora é Rocío Broz Rodríguez. A finalidade fundamental do grupo é a investigación folclórica, pretendendo reconstruir e recuperar bailes, músicas, costumes, etc. dentro da máis pura tradición galega. A tarefa de investigación do grupo exténdese por diversas zonas da xeografía galega. Además da tarefa investigadora, o Grupo de Danzas da A.
X. Xiradela ten igualmente como obxetivo a divulgación do material recollido e
reconstruido. Así, o grupo de bailadores e
músicos acercan á xente estos traballos nas súas actuacións, asegurando,
por outra parte, a perpetuidade de éstos na memoria colectiva do noso pobo.
Asimesmo, a Asociación traballa na conservación da música e danza tradicional galega mediante a ensinanza aos
máis pequenos e xóvenes (a asociación conta cunha escola de baile e música con
máis de trescentos rapaces). Por outro lado, Xiradela presentou o noso folclore fora de Galicia e organizou intercambios folclóricos e culturais con outros países e autonomías: diversas comarcas de Portugal-norte e sur, grupos da Bretaña francesa, Asturias, León, Zaragoza, Salamanca, etc. As pezas que o grupo interpreta están acompañadas polo grupo de gaiteiros ou o de pandereteiras, según a súa orixe. Dentro do repertorio pódense atopar: muiñeiras, xotas, maneos, pandeiradas, pandeiretadas, ruadas, muiñeiras corridas, etc. O grupo actuou por toda a xeografía galega en festivais, romerías, festas populares. Disfrutou de diversos convenios coa Excma. Diputación Provincial de A Coruña, e recorreu todas as parroquias do seu municipio polo convenio de actuacións que mantén co Concello de Arteixo. Tamén participou en diversos festivais a niveis autonómico, estatal e internacional, algúns organizados pola Asociación como:
Da mesma maneira, o grupo trasladouse a diversas comarcas portuguesas, e diversos festivais organizados en Asturias, León, Cataluña, Salamanca, Segovia, Murcia etc.Tamén actuou como representante de Galicia no XV Aniversario do Festival Intercéltico de Lorient ( Francia) no ano 1995, no Festival folclórico de Rotterdam ( Holanda) no ano 2003, no XX Festival de música galega en Barcelona no ano 2004 e nas Xornadas de Folclore Galego 2004 en Santiago de Compostela. Asimesmo participou en diversas ocasións en programas da TVG... Entre os diversos premios que conseguiu o grupo cabe destacar o 1º premio no ano 1990 no Festival Folclórico Internacional en Pineda de Mar ( Barcelona) e a medalla de prata nas Xornadas de Folclore Galego en Santiago de Compostela no ano 1991, así como diversos premios para o grupo de gaiteiros e pandereteiras en diferentes concursos. Asimesmo, o grupo de pandereteiras participou na grabación dos discos de Carlos Núñez “A Irmandade das Estrelas" e “Amores Libres”. Colaborou en catro temas do disco ”Caminhos” da cantante portuguesa Dulce Pontes e participaron con cinco temas na grabación do disco “Ruta folk terra galega” e con tres temas no disco ”Pandereteiras”. Actualmente contan con disco propio “Xiradela”( 11 temas), grabado no ano 2002. July 27 Un ano de éxitos para as EscolasO pasado día 15 de xullo rematou, coa participación dos grupos da Escola de Baile "Carabilla" e "Repenicoque" no XXVIII Concurso de Baile Tradicional organizado pola Asociación Xuvenil Xacarandaina, a actividade dos grupos das Escolas de Baile e Música da Asociación. E non puido rematar de mellor forma, pois o grupo "Repenicoque" acadou o 3º premio da categoría D . Aquí podedes ver un resumo do ocurrido nesa categoría: A este premio temos que engadir os que aparecen listados a continuación, que foron conseguidos ó longo deste último curso polos diversos grupos da Asociación:
July 24 Un pouco de historiaNo verán do ano 1.980 un grupo de amigos e amigas decide reunirse coa finalidade de disfrutar do tempo de lecer. Todos comparten unha mesma afición: o baile tradicional. Forman un grupo de baile e inician unha serie de trámites que os conducen a súa oficialización como asociación. Así, o día 15 de Maio de 1982 nace a Asociación Xuvenil Xiradela con sesenta socios. Nun primeiro momento a única actividade que se impartía na Asociación era baile tradicional pero, co paso dos anos e ante o incremento do número de socios, a oferta foise ampliando, primeiro con actividades vencelladas ó folclore como as de pandeireta, tambor e gaita, e posteriormente con outras actividades de tempo libre como excursións, acampadas, visitas culturais e talleres como os de teatro, manualidades, fotografía, guitarra, encaixe,…algúns dos cales, como o de teatro chegou a ter unha grande relevancia pola súa actividade e premios acadados; se ben a recuperación do folclore da nosa terra constitúe o eixo principal da nosa actividade. A Escola de Baile iníciouse, como se dixo anteriormente, con sesenta rapaces, divididos en grupos segundo a idade, contando na actualidade con máis de douscentos alumnos que forman a canteira do Grupo de Danza, máximo representante da Asociación. A Escola de Música Tradicional xorde como unha necesidade do Grupo de Danza de ter os seus propios grupos de acompañamento. Deste xeito no ano 1986 créase o Grupo de Pandereteiras e un ano despois o Grupo de Gaiteiros, os dous con carácter estable. Deses dous grupos de música de acompañamento nace o que hoxe é a Escola de Música Tradicional. Na actualidade conta con oitenta alumnos. O Grupo de Danza da Asociación, en representación da mesma, participa nos diversos intercambios, concursos e festivais folclóricos tanto a nivel nacional como internacional. O grupo é o espello no que se miran os nenos e nenas das Escolas. O grupo de Danza está sempre acompañado das Pandereteiras e do Grupo de Gaiteiros. As Pandereteiras constituíronse como grupo chegando a participar en diversos festivais, colaboraron na grabación e nas actuacións en directo de diversos artistas (Carlos Núñez, Dulce Pontes, Erik Marchand). As Pandereteiras da Asociación acadaron un éxito importantísimo coa grabación do seu propio disco no ano 2002. Previamente xa colaboraran na grabación de discos de carácter temático. Ademáis de tódalas actividades que oferta durante o curso, Xiradela organiza diversos actos folclóricos e culturais:
July 19 Benvidos!!!¡Saúdos a tod@s! A Asociación Xuvenil Xiradela dávos a súa benvida a este pequeno recuncho que prentendemos se convirta nun punto de encontro con todos aqueles que queiran achegarse a nós e coñecernos máis profundamente. Para iso, trataremos de mantervos puntualmente informados de tódalas novas que se produzan no noso entorno, así como das distintas actividades, actuacións e demáis actos que organicemos ou nos que tomemos parte. Agardamos que este blog vos sexa de utilidade e que vos animedes a achegarnos as vosas impresións, dúbidas, suxerencias,… Ata pronto. |
|
|
