More servicesWindows Live
HomeHotmailSpacesOneCare
 
MSN
Sign in
 
 
Spaces home  Asociación Xuvenil Xirad...PhotosProfileFriendsMore Tools Explore the Spaces community

Asociación Xuvenil Xiradela

¡Hola a tod@s e gracias por visitarnos!

Este recuncho, que empezou sendo un libro de visitas (sen ningunha firma por certo), transformouse nas últimas semanas nun caderno no que os nosos visitantes dan conta dos seus recordos, anécdotas, contos e demáis historias relacionadas con Xiradela.

Considerando que a motivación xeral do blog non é outra que a de dar a coñecer a Xiradela no mundo, caín na conta de que non hai mellor forma de facelo que a través das experiencias das súas xentes. Así pois,  abrimos aquí un caderno de "Recordos, anécdotas e outras historias" no que recoller todas as vosas lembranzas relacionadas con Xiradela. Podedes empezar polas vosas impresións sobre a Gala, como xa fixemos outros, ou por onde vos queirades ¡Agardamos a vosa participación!

¡Saúdos!

  • View space
    ]|I{•------»MIRIAM«-----
    December 10 2:18 PM
    Boas menudo grupazo moitos bikos
  • View space
    December 07 11:16 AM

    Boas, ou como dixo Victor Iglesias noutra hora… “miñas donas meus señores, aquí comenza o contame un conto…”

     

    Pois iso, que a gala xa vai alo, que o pasei moi ben e que me divertin moito nela. Levo recordos bos, moi bos e cojonudos. Pero sobre todo, o que mais me embriagou nesta gala son as ganas de bailar, e vela aquí este mensaxe.

     

    Sei que quedou mais xente coma min, xente que xa deixara de bailar facia tempo pero que estarian encantad@s de ter unha clase para poder bailar en fin de curso jajajaja, e no dia da muiñeira!!!!!!!!!

     

    Asi que eu encabezo a lista:

    Alberto ( o fillo de Chucho do sexto, e Fina do Pato)

     

     

    Animo que xa e Nadal e non cegamos para fin de curso, esto non pode enfriar!!!

     

    Un saudo a todos.

     
  • View space
    Caml
    December 05 7:04 PM
    Xa chega o Nadal. Ou mellor dito, xa é tempo de Nadal. Chegar, chegou fai uns días. E preparar, lévannos preparando dende fai case un mes, que é cando comezamos a recibir un interminable bombardeo de anuncios por obra e gracia de compañías xogueteiras e similares ou cando asistimos incrédulos á colocación das luces nalgúns lugares. Aínda que a min, que recoñezo non terlle moitas simpatías a estas festas, sempre me diu a sensación de que no momento en que acaban, alá polo 6 de xaneiro, xa se nos comeza a preparar para as seguintes. Porque senón, ¿a qué ven o de que no mes de xullo ou agosto xa haxa carteis: "Hai lotería de Nadal"?

    En fin, por aquelo de ir en concordancia coa época na que estamos, vou a falar dos meus recordos sobre o Nadal en Xiradela. O primeiro que se me ven a memoria é o Belén. Sobre o Belén de Xiradela todos poderiamos contar algunha historia, seguro, pero, ó final, todo se reduce a "¿onde colocaron este ano 'ó señor caghando'?" (o de caganer deixámosllo os cataláns). Aqueles que algunha vez tiveran que axudar na súa montaxe, entre os que me inclúo, dirán aquilo de que tamén habería que recordar os viaxes na busca de carriza ou de area, ou as visitas ás librerías en día festivo para tratar de atopar que se unha cartulina, que se papeis para decorar, ou eu que sei o qué. Pero todo iso queda nun segundo plano cando chegamos a Xiradela e descubrimos que o Belén está montado. Nese momento emerxe o noso eu máis escatolóxico e, ó tempo que busca ávidamente entre as distintas figuriñas, pregunta:

    -¿Dónde está el señor cagando? ¿Eh?

    E sempre, sempre hai resposta. Iso sí, a resposta vai variando co paso das semanas, porque outro dos nosos costumes é facer que a figura en cuestión sexa itinerante. Que se move máis que os Reis Magos, vamos.

    ¿E o árbol de Nadal? Porque sí amigos, tamén poñemos árbol de Nadal. ¿A que non vos derades conta? O que pasa e que con tal de que haxa un Belén cun fulano caghando xa estamos satisfeitos, e non miramos nada máis. É o que hai.

    Sigamos co repaso: os concursos de Beléns. Aiiiiiiii, cantos artistas vos houbo e hai en Xiradela!!!!  E tamén xente preocupada polo medio ambiente (que aprenda Al Gore!!!) que xa por aquel entón reciclaba. Porque alí había de todo: beléns de plastilina, debuxos de Papá Noel coas barbas cheas de algodón, mostras de cómo poder ser creativo cos canutos do papel hixiénico ou con froitos secos, debuxos de clásicas esceas de Nadal, colages nos que a Virxe era a Pantoja e o neno Xesús Michael Jackson e ata un nacemento no que cada figura era un coche de xoguete. A orixinalidade ó poder. Dende os máis cativos ata os que xa non o eran tanto presentabamos os nosos traballos que quedaban expostos no local de Xira para que todos puideran ver o aplicadiños que eramos. E a nós dábanos dereito a irmos á festa de Nadal de Xiradela. Qué ben o pasabamos!!! Entre a merenda, os xogos, as actuacións estelares dalgún espontáneo (¡canto me teño rido cos "Xiradeliños" e os seus bonecos estilo Emilio Aragón en VIP Noche!) e/ou a película daba para unha tarde moi entretida. E antes de marchar, dábannos un agasallo. Algún deles aínda debe andar pola casa. Para min formaban parte da recadación que obtiña polo meu cumpreanos, que cadra por esas datas.

    E para ir rematando, non podo deixar de falar das festas que nos facía Gabri o último día de baile do ano. Ensaiabamos durante 45 ou 50 minutos e mentres nos mandaba ó recreo, ela poñíase a colocar as mesas e as cousas para a festa. Cando voltabamos anunciaba que xa non iamos a bailar máis por aquel día e que tocaba celebrar o Nadal. E así era: mentres desfrutabamos da merenda preguntábanos polas notas ou por qué lle pediramos os Reixes ou a Papá Noel. Cando medramos un pouco, toda esta cerimonia sufriu algúns cambios (aínda que as preguntas polas notas non faltaban): o brindis con champán ou, se cadra o máis importante, a introducción do "amigo invisible". Como poderedes imaxinar o feito de ser xunto co meu querido Rubén o único neno do meu grupo, facía de min (de nós) o obxectivo perfecto para as bromas das nosas compañeiras. Recordo que un ano ata nos regalaron e fixeron probar alí mesmo un calzón vermello a cada ún. Qué rapazas aquelas!!!

    Para non ser amigo destas festas teño moito que contar delas ¿non vos parece? En fin, aquí remato o conto por hoxe (desta vez estendinme máis da conta).
    Saúdos a todos.  E
     
    ¡¡¡¡¡BO NADAL!!!!!
  • View space
    Caml
    December 03 3:28 PM
    Aínda que, como Cachichi, estou un pouco sorprendido, ofrezo as miñas desculpas a todo aquel a quen lle puidera faltar co meu último comentario, pero eu tamén considerei que eran bastante evidentes os termos nos que se facía a "ameaza". E dende logo non creo que incluiran a intención de faltar a ninguén.

    De tódolos xeitos e para que quede claro: PERDÓN!!!!!!

    E bicos e apertas para todos!!!!
  • December 02 9:29 PM
    Estimad@ "sen nome"!!!
    Non pretendín, e seguro que o meu querido Caml tampouco, facer sentir mal a ninguén...e ate pensei que as miñas liñas non iban a facer mal a ninguén xa que o tono jocoso está bastante presente en todos os meus comentarios...(conste que un bo amigo di que o malo de internet e que non se escoita o tono de voz co que estas a escribir...).
    De todos os xeitos, estou ben seguro de que o que dis tampouco o fas con ganas de abroncarnos, así que pola miña parte...ofrezo as miñas disculpas a todos e a ti (eso sí, non me fales de sortes do tipo das que escribes...di un amigo maño que "cada uno es cada uno y K2 una piragua"...con eso dígocho todo) e remato o tema pola miña parte...(ainda que recoñezo que me quedo un pouco flipao pero...en fin!!...tomarei un respiro ou un kit-kat...ou un pequeno letargo).
    Moitos bicos e apertas a tod@s...
     
     
     
     
More...
April 29

"Chiculateiras" acada un novo premio para Xiradela

O pasado domingo 27 de abril celebrouse no Teatro Colón de A Coruña o XIX Concurso de Música Tradicional organizado pola Asociación Xuvenil Xacarandaina. Neste certame, tomaron parte dous grupos da escola de pandeireta de Xiradela: "Zapicada" e "Chiculateiras", ambos encadrados na categoría B, para rapaces e rapazas de entre 10 e 13 anos. Ámbalas dúas formacións ofreceron unha grande imaxe, acadando as "Chiculateiras" o 2º premio da citada categoría.
 
¡¡¡¡Norabóa rapazas!!!!
April 15

III Foliada de Cerqueda

A Asociación Cultural Raigañas ten o pracer de convidarvos á III Foliada que se celebrará en Cerqueda o sábado 19 de abril a partir das 10:30 da noite.
 
Ó igual que o ano pasado a Foliada terá lugar nas Escolas das Pozacas debaixo dunha gran carpa. Haberá comida e bebida para quen desexe cear alí e a festa estará amenizada polo grupo de música tradicional "Media Ducia" e por todos os que queiran subirse ó escenario a cantar, bailar, tocar e ata contar chistes; en fin para todo aquel que queira pasar unha noite diferente e divertida.
 
Animádevos e pasádevos por alí a desfrutar da festa cos amigos e amigas de Raigañas.
 


 

Resultados do IX Concurso de Música Tradicional

 
 
 
Velaquí os resultados do IX Concurso de Música Tradicional que vimos de celebrar os dous últimos domingos no Centro Cívico Cultural de Arteixo.
 
CUARTETOS DE GAITAS:

1º PREMIO:
Retrouso
 
2º PREMIO: Os Intrépidos Da Ulla
 
3º PREMIO: Comarea

GAITEIROS SOLISTAS:

1º PREMIO: Ricardo Manuel Mouriño Freire

2º PREMIO: Adriana Rivas Seijo

3º PREMIO: Roberto Aller Alcalde
 
 
PANDERETEIRAS/OS:

CATEGORÍA A: (ata os 10 anos)
1º PREMIO: "Meniñas" do grupo de pandereteiras Tarambainas, Lavadores-Vigo
2º PREMIO: "Pedravixía" da A.C. Adro de Baio
3º PREMIO: "Regalía" da AA.VV A Coteleira de Cores-Nemeño

CATEGORÍA B: (de 11 a 13 anos)
1º PREMIO: "Morazón" da A.M.D.T. Queiroa de Mondego-Sada
2º PREMIO: Grupo "C" da Escola de Muiñeira Cantigas e Agarimos
3º PREMIO: "Maiola" da Asociación Cultural Virxen da Saleta de Silván

CATEGORÍA C: (de 14 a 17 anos)
1º PREMIO: "Taín" da A.C. Adro de Baio
2º PREMIO: "Névedas" da Agrupación Cultural Arume de Verdillo
3º PREMIO: "Grialia"

CATEGORÍA D: (de 18 anos en diante)
1º PREMIO: Pandereteiras "Os Muíños de Oliveira"
2º PREMIO: "Velaí Ven" da A.C Donaire
3º PREMIO: "Trebellos" da A.X. Regueifa
 
 
February 18

IX Concurso de Música Tradicional da Asociación Xuvenil Xiradela

Os vindeiros días 6 e 13 de abril terá lugar a novena edición do Concurso de Música Tradicional organizado pola Asociación Xuvenil Xiradela.

As bases que rexirán ó mesmo son as seguintes:

1. É un concurso no que poderán participar grupos de asociacións xuvenís, culturais e recreativas, folclóricas, de veciños, etc..., que o desexen.

2. Constará de tres modalidades: grupos de pandereteiras, cuartetos de gaitas (deberán estar formados por: dúas gaitas, tambor e bombo) e gaiteiros solistas (poderán levar, ou non, un acompañamento de percusión).


3. Na modalidade de pandeireta haberá catro categorías, que dependerá da idade da maioría dos compoñentes:
 
  • CATEGORÍA A: ata os 10 anos.
  • CATEGORÍA B: de 11 a 13 anos.
  • CATEGORÍA C: de 14 a 17 anos.
  • CATEGORÍA D: de 18 anos en diante.
Nas modalidades de cuartetos de gaitas e gaiteiros solistas, haberá unha soa categoría sen límite de idade.

4. Os grupos participantes poderán ser: femininos, masculinos ou mixtos, sendo obrigatorio o uso do traxe tradicional. 


5. Os participantes poderán concursar en tódalas modalidades, sen embargo non poderán concorrer en máis dun grupo en cada unha delas. Na modalidade de cuartetos de gaita, sí poderán participar en máis dun grupo, sempre e cando non sexa tocando o mesmo instrumento.

6. Os premios serán os seguintes:

PANDERETEIRAS:

CATEGORÍA A e B:

  • 1º premio: Trofeo e 200 €
  • 2º premio: Trofeo e 150 €
  • 3º premio: Trofeo.
  • Premio ó mellor vestiario en cada categoría

CATEGORÍA C e D:
  • 1º premio: Trofeo e 250 €
  • 2º premio: Trofeo e 150 €
  • 3º premio: Trofeo.
  • Premio ó mellor vestiario en cada categoría

CUARTETOS DE GAITAS:
  • 1º premio: Trofeo e 250 €
  • 2º premio: Trofeo e 150 €
  • 3º premio: Trofeo.
GAITEIROS  SOLISTAS:
  • 1º premio: Trofeo e 200 €
  • 2º premio: Trofeo e 150 €
  • 3º  premio: Trofeo.

7. Cada grupo terá un tempo límite de 5 minutos, para interpretar a/ás peza/s coas que tomará parte no certame. O grupo que sobrepase dito tempo quedará descalificado.

8. No momento da calificación o xurado terá en conta:

  • Autenticidade da peza, que terá que ser tradicional (no caso dos cuartetos de gaitas e gaiteiros solistas a peza pode ser recollida ou de composición).
  • Dificultade da mesma.
  • Afinación e interpretación.
9. O concurso terá lugar o día 6 de Abril de 2008 ás 17:00 para os Cuartetos de Gaitas e Gaiteiros Solistas, e o día 13 de Abril de 2008 con horario de mañá e tarde (aínda por determinar), para os Grupos de Pandereteiras, no Centro Cívico Cultural de Arteixo. A hora de presentación, orde e normas serán enviadas previamente.

10. A folla de inscripción deberá chegar debidamente cumprimentada ó local da Asociación (Polígono de Sabón, 5 15142 Arteixo), antes do 14 de Marzo de 2008. Poderanse enviar tamén os seguintes correos electrónicos:

  • concursogaitacuartetos@yahoo.es
  • concursogaitasolista@yahoo.es
  • concursopandeireta@yahoo.es
(segundo a modalidade na que se participe)

11. O xurado será nomeado pola A.X. Xiradela, e os seus fallos e acordos serán inapelables.

12. A participación no concurso implica a total aceptación destas bases. Non se admitirá ningún cambio fóra do prazo de inscripción. Asimesmo, a organización resérvase o dereito de esixir o D.N.I. ou o libro de familia de calquer participante, que semelle dúbida da idade, ben a requerimento de calquera agrupación, membro do Xurado ou que estime oportuna a Comisión Organizadora. En caso de negarse ou non presentalo quedará descalificado.

13. Unha vez rematada a actuación de tódolos participantes e a avaliación do Xurado darase a coñecer os nomes dos gañadores, facéndose entrega dos premios acadados. O día 6 de Abril de 2008 daranse a coñecer os premios dos Cuartetos de Gaitas e Gaiteiros Solistas e o día 13 de Abril de 2008 os de Pandereteiras. (Categoría A e B pola mañá e categoría C e D pola tarde).

14. Nesta convocatoria non participarán os grupos da A.X. Xiradela.

15. Calquera dúbida que queirades consultar será atendida pola A.X. Xiradela nos teléfonos:
  • Teléfono: 981 64 11 25
  • Tlf. Móbil: 646 87 59 53 (mañás) / 676 23 37 48 (tardes)
ou ben na dirección de correo electrónico: xiradela@yahoo.es


Se queredes descargar as bases do concurso e maila folla de inscrición no mesmo, aquí tedes os enlaces correspondentes:
No caso da folla de inscrición trátase dun documento Word no que xa podedes cubrir os vosos datos directamente para enviarnolos á dirección de correo electrónico correspondente á modalidade na que vos queirades inscribir.

Nota: para os que non esteades familiarizados coas descargas dende Rapidshare non vos asustedes porque resulta bastante doado. Non tedes máis que premer en calquera dos enlaces anteriores e seredes conducidos a páxina de Rapidshare. O único que tedes que facer entón é premer no botón que pon "Free". Entón, pediravos que introduzades un código. Unha vez introducido, premedes o botón "Download xxxx" (xxxx será o nome do servidor do que descarguedes o documento pero é irrelevante), e despois duns segundos, iniciarase a descarga.







December 16

Xiradela segue colleitando 'boas novas'

Os periódicos "La Voz de Galicia" e "La Opinión de A Coruña" recollen, na súa edición de hoxe,  a entrega do XVI Premio IAR de Folclore Galego a Xiradela, que tivo lugar onte á noite durante a celebración do Festival Folclórico que o Grupo de Bailes Populares IAR ofreciu no Teatro Rosalía de A Coruña para conmemorar o seu 25º aniversario.

Se queredes ver os artigos aquí vos deixamos unhas ligazóns:

Por outra banda, queremos agradecer a felicitación que con motivo deste premio nos fixo chegar a Escola de Baile e Música Tradicional Rebulir a través do seu blog (se queredes velo premede aquí ou consultade a sección Webs de interese). Grazas compañeiros!!!!


View more entries